حقوق الأطفال 2
حقوق الأطفال
مايو 4, 2020الولاية التعليمية
مايو 4, 2020مصاريف العلاج والدراسة
البوست ده هنتكلم عن اكتر مشكلتين بيشغلوا الأم خصوصاً في حالة الإنفصال وهما مصاريف العلاج ومصاريف الدراسة
أولاً: مصاريف العلاج.
ودي بتكون عبارة عن أي مصاريف إتصرفت لعلاج الطفل بس مهم جداً الإحتفاظ بكل فواتير العلاج والروشتات يعني ببساطة أطلبي من الدكتور المعالج للطفل كتابة تمن الكشف على الروشتة ويختم عليها وكمان أي دوا تشتريه من أي صيدلية لو كانت مش بتدي فواتير تطلبي منها فاتورة، ونفس الكلام دة بيتطبق على الأشعة والتحاليل والمهم جداً جداً إن كل الفواتير دي يكون متوضح عليها اسم الطفل بالكامل علشان نقدر نطالب الأب بالمصاريف دي.
ثانياً: مصاريف الدراسة.
طبعاً الأب ملزم بمصاريف دراسة الأطفال وبردو مهم جداً ان الأم تحتفظ بإيصالات دفع مصاريف المدرسة والكتب وطبعاً محتاجين نوضح نقطة إن في الأصل الأب ملزم بمصاريف المدارس الحكومية فقط لكن استثناءاً بقى إن لو كان الأطفال في مدارس خاصة قبل الإنفصال هنا يعتبر الأب ملزم بدفعها.
وطبعاً النقطة دي بتعمل مشكلة كبيرة خصوصاً إن في معظم الأحيان الأب بينقل الأطفال من المدارس الخاصة لمدارس حكومية وهنا بتظهر أهمية الولاية التعليمية ودي هنتكلم عنها البوست الجاي.
