حقوق الأطفال 2
مايو 4, 2020التمكين من مسكن الزوجية
مايو 4, 2020الولاية التعليمية
البوست اللي فات وعدناكوا اننا هنتكلم عن الولاية التعليمية. طبعاً كلنا عارفين إن الولاية التعليمية بتكون للأب وده بصفته الولي الطبيعي على الطفل وطلب الولاية التعليمية ده بيكون ليه شروط :
١- إن الأم تكون مطلقة.
٢- إن الأطفال يكونوا في حضانتها وفي حيازتها.
وطبعاً الأم بتلجأ لتقديم طلب الولاية التعليمية علشان المشاكل اللي بتواجهها في المدرسة لإن فيه كتير من الإجراءات بيكون مطلوب فيها وجود الأب زي مثلاً سحب ملف الطالب من المدرسة أو تحويله لمدرسة تانية.
وبتفضل الولاية التعليمية مع الأم لحد ما الطفل يعدي سن الحضانة. ومن المشاكل اللي بتواجه الأم بصفتها حاضنة هي الشقة علشان كدة البوست الجاي هنكلمكوا عن التمكين من مسكن الزوجية سواء للزوجة أو للمطلقة.
