التمكين من مسكن الزوجية
الولاية التعليمية
مايو 4, 2020قانون الاستثمار
مايو 6, 2020التمكين
النهاردة هنتكلم عن التمكين من مسكن الزوجية وده بيكون بوسيلتين التمكين كقرار نيابة أو التمكين كقضية أمام المحكمة وهنلقي الضوء على الوسيلة الأولى بصفتها الاسرع والأوسع انتشاراً وطبعاً لازم ننبه إن التمكين بيكون للأم الحاضنة بس الأولاد لازم يكونوا في سن الحضانة. وده بيبتدي بمحضر في قسم الشرطة اللي تابع لنفس المنطقة الموجودة فيها شقة الزوجية وبيتقدم فيه شهادات ميلاد الأطفال وقسيمة الجواز أو الطلاق وبيتم متابعته في النيابة، والتمكين ده بيكون نوعين إما تمكين بالمشاركة وده في حالة إن العلاقة الزوجية قائمة، والنوع التاني التمكين المنفرد وده بيكون للأم الحاضنة المطلقة. وطبعاً مش محتاجين نقول إن الشقة لازم تكون هي شقة الزوجية يعني إتجوزتي فيها أو على الأقل عيشتي فيها فترة علشان أهم حاجة في التمكين هي شهادة الجيران من خلال التحريات إنهم يأكدوا إنك كنتي فعلاً عايشة في الشقة دي والقرار ده بيتنفذ بالقوة.
