حقوق الأطفال
حقوق الزوجة بعد الطلاق
مايو 4, 2020حقوق الأطفال 2
مايو 4, 2020حقوق الأطفال
البوست اللي فات اتكلمنا فيه عن حقوق الزوجة وفي البوست ده هنتكلم عن حقوق الاطفال اللي لسة موصلوش لسن ١٦ سنة لأن هنا بيكون من حق الزوجة انها هي اللي تطالب بحقوق الأطفال دي لإن بمجرد ما بيعدوا السن ده بيبقى المفروض ان هما اللي يطالبوا بحقوقهم على طول.
ومن أول الحقوق وأهمها: نفقة الصغار.
ودي بتشمل نفقة المأكل والملبس وممكن يتضم عليهم أجر المسكن لو الزوجة مش عاملة تمكين من شقة الزوجية بصفتها حاضنة لإنها ببساطة لو متمكنة بيسقط حقها في نفقة المسكن.
ثانياً: نفقة بدل الفرش والغطاء.
ودي بيكون باين من اسمها انها بدل الفرش (الملايات والبطاطين) وبتبقى مبلغ صغير لإن المفروض انها بتستحق عن فصل الشتا وفصل الصيف بس هي بتتاخد كل شهر عادي.
ثالثاً: أجر الحضانة.
وده مبلغ بيدفعه الزوج للحاضنة (الأم، الجدة، الخالة) مقابل حضانتها للطفل وده بيستحق من فترة انتهاء العدة حتى وصول الطفل لسن ١٥ سنة. وطبعاً الأزمة اللي بتقابل معظم الناس مصاريف العلاج ومصاريف الدراسة وهنوضحها البوست الجاى.
